2007 in die NSA

Soos meeste van julle, woon en werk ek in die NSA. Die jaar staan nou haastig einde se kant toe en ek het bietjie gaan dink oor die toestand in die land en wat in 2007 gebeur het.

Die eerste Volksaksie hierdie jaar (6de Januarie) was natuurlik die Vierkleur herdenking in Potchefstroom. 'n Mens sal natuurlik baie meer mense daar wou sien, maar dit was tog verbleidend om te sien dat daar steeds mense is wat nie skaam is om met die Vierkleur ge-assosieer te word nie. Potchefstroom is volgens die ANK ook nie meer Potchefstroom nie en sy strate het ook nuwe name gekry. 'n Paar studente is gevang waar hulle van die nuwe naamborde verwyder en in die rivier gooi. Die jaarlikse Aardklop was ook nie sonder insident nie, die organisasie wat die stadsraad die naamstryd aan gese het, het in hierdie tyd behoorlik met die stadsraad horings gehak. Van Riebeeck str se inwoners het natuurlik die stadsraad 'n bloedneus gegee, deur die ou naam op hulle huise aan te bring, iets wat die stadsraad kwaad maak maar waaraan hulle niks kan doen nie. Ook 'n tweede Vierkleur dag is in Augustus in Potchefstroom aan gebied, by die geleentheid het Prof Raath sy nuwe boek bekend gestel en wat 'n prag stuk!

Pretoria se naam het ook weer in die spervuur gekom. Daar was 'n hofsaak wat die pro-Pretoria groep gewen het (en wat nou nie juis goed by gewoon is deur betogers nie) Daar was ook die optog na die ANCBC om 'n versoek skrif met bykans 100 000 handtekeninge op aan hulle te oorhandig teen die gebruik van die nonwoord tshwane (jammer ek kan dit nie met 'n hoofletter spel nie!) Hier was daar seker 500 betogers van verskillende organisasies en met verskillende vlae.

So gepraat van vlae, 'n groep met die naam GAS (genootskap van Afrikaner simbole) het 'n "nuwe" Afrikaner vlag bekend gestel en tyd sal leer of die vlag aanvaar gaan word. Nog 'n groep bou ook aan 'n reuse Vierkleur waarmee hulle hoop om op 8 Desember by Willem Prinsloo die werled rekord te breek vir die grootste vlag wat nog gemaak is. Of die rekord gebreek word is seker nie so belangrik as die feit dat dit hopenlik baie mense sal wakker maak en die trots vir wie hulle is weer sal aan wakker. Ek hoop van harte dat die media dekking hieraan sal gee, maar ek hou nie my asem op nie, die media is deesdae "blind" vir dit wat in Boere/Afrikaner geledere gebeur.

Ons het hierdie jaar ook uit gevind die Minister van gesondheid is nie so gesond nie. Haar bene makeer niks want sy het voor in die skenker ry gespring vir haar nuwe lewer, sy ly egter aan lang vingers en het 'n dors wat blykbaar slegs deur alkohol geles kan word. Hierdie gesondheid toestande is blykbaar nie uniek nie en ek wonder of die lang vingers tot 'n epidemie verklaar gaan word in die kabinet. Die Minister verstaan egter dat dit belangrik is om nie geld te mors op onbenullige goed soos anti-retrovale medikasie wat ten duuste ingevoer moet word van die bose westerse lande nie. Sy besef egter ook dat HIV (of is dit nou VIGS, ek weet nie mooi nie want die slim President van die NSA het ook verklaar dat die een niks met die ander te doen het nie) 'n probleem kan wees en daarom het sy na jare se navorsing 'n deurbraak aan gekondig in die behandeling van die twee siektes (wat niks met mekaar te doen het nie). Hierdie behandeling is natuurlik baie goedkoop en maklik verkry baar. Ek weet nou nie of daar patent reg op die resep is nie, maar ek gaan dit maar gee: knoffel, beet en afrika-aartappel. Die Afrikaner jeug wat baie respek het vir leiers figure, het dit dan ook op hulleself geneem om hierdie behandeling te oorhandig aan besoekers van uit die buiteland by die lughawe wat elke jaar 'n nuwe naam het.

Toe sy in die hospitaal opgeneem is (in die hospitaal wie se telefoon rekening amper sy hele begroting uit maak) het dieselfde groep jongmense vir haar 'n ruiker geneem. Hulle het haar grappe so gemis in die kabinet dat hulle moes seker maak dat sy beter word en hulle was bang dat die mediese dokters nie vir haar die geheime behandeling van knoffel, beet en afrika-aartappels sal gee nie, dus het hulle ruiker hieruit bestaan. Alhoewel sy spoedig herstel het hierna, het sy tot op datum nog nie vir hulle eers 'n dankie se kaartjie gestuur nie!

Die jeug werk natuurlik baie hard om aan te pas in die NSA. Daar was 'n groep wat hulleself swart gesmeer het (nee ek bedoel nie soos die Afrikaanse koerante doen met die Afrikaner nie, hulle het hulleself letterlik swart gesmeer met politoer!) en vir Mbeki gevra of hulle ook nou maar eerste klas burgers kan wees. Die jeug het ook die regering se voorbleeld gevolg en strate se name verander, so was daar vir 'n week 'n straat in Pretoria vernoem na Genl de la Rey. Die stadsraad het hierdie hulp egter gesien as kompetisie en het die bord vinnig verwyder. (dit was 'n week later, maar vir die stadsraad is dit vinnig, toets hulle maar en kla oor 'n straatlig wat nie werk nie, dit sal hulle BAIE langer neem om dit reg te maak)

Die jeug het ook Vlok se voorbeeld gevolg na hy gaan voete was het. Hulle het die standbeeld van Paul Kruger in Pretoria se voete gaan was en vir hom jammer gese vir die toestand waarin die land verkeer.

In Zimbabwe gaan dit uitstekend en nee, ek is nie besig om gat te kruip by Mbeki en sy Oom Mugabe nie. Dit gaan rerig goed. Hulle HIV en VIGS syfer is besig om te verminder, die enigste land in die wereld waar dit gebeur! Hehe, dit is natuurlik omdat al hulle inwoners besig is om na die NSA te vlug, omdat daar nie meer kos is nie, maar volgens Mugabe en Mbeki gaan dit goed. Zimbabwe sal ook in die Guiness wees, nie vir hulle vlag nie, maar vir hulle inflasie syfers. Krag en brandstof (vir die Zim regering) is geen probleem, die kry hulle verniet van die NSA. ...mar genoeg oor Zim, Mbeki se as ons dit lank genoeg igonoreer en niks daaroor se sal dit weg gaan en hy is immers die President van die NSA, die massas sal tog nie 'n pampoen verkies om hulle (en ons) te lei (en te laat ly nie).

Hiermee my beskeie mening (Trevor en Tito sal seker van my verskil, wel hulle doen dat al die hele tyd!) die NSA ekonomie is besig om sy agterstewe te sien (sonder 'n spieel!). Die oliediewe is besig met 'n oorlog in Irak wat die olie prys die hoogte in gestuur het, die inflasie koers (selfs die gekookde een) is die hoogte in en die repo koers is besig om vinniger te styg as Zim se inflasie koers! Binnekort gaan die NSA regering uit vind sy swart diamante was eintlik net swart kool, want hulle gaan nie meer die DDM's (duur duitse motors) en huise in Sandton kan bekostig nie. Natuurlik gaan die Volk ook hieronder ly, veral in die lig gesien van rasstellende aksie en SEB (swart besigheids rassisme). Bravoland volkshulp, Volkshulp 2000 en Solidariteit se helpende hand, probeer help, maar die vure gaan nou te groot word om te blus!

Die oliediewe en Ingilse praat van 'n "buzz" woord, ek het nog nooit 'n woord gehoor wat "buzz" nie (behalwe die woord buzz) maar verstaan tog wat hulle bedoel. Nou ja, die nuwe "buzz" woord by baie Afrikaners is "verootmoediging". Ek wil nie te veel hieroor se nie, wil net waarsku: verootmoediging is nodig, moet dit net nie probeer misbruik nie.

Ek gaan nou eerder skryf oor kultuursake want daarvan weet ek meer as oor geloofsake. Ek het nou reeds genoem van die Vierkleur se verjaarsdag hierdie jaar, maar het vergeet om te noem van die vlag wat vir die ATKV geneem is. Die ATKV, vir die van julle wat gedink het dit is 'n vakansie-klub (miskien is julle reg), is 'n kultuur organisasie. Hulle het egter besluit dat die Afrikaner se kultuurskatte nie vir hulle belangrik is nie, dus het 'n groep (ek wou se jongmense, maar toe onthou ek, ek was saam) vir hulle 'n Vierkleur vlag geneem, om hulle te herriner aan die Vierkleur se verjaardag. Tot op datum het hulle agter nie dankie gese vir die geskenk nie en ook niks gedoen ter viering van die Vierkleur se verjaarsdag nie.

Die 10 Oktober is Oom Paul dag of heldedag. Die Boere/Afrikaner gemeenskap het hierdie dag op verkeie maniere gevier. Daar was o.a 'n kranslegging en kerkdiens by die Helde-akker in Pretoria en in Krugersdorp (Oom Paul se dorp!) het 'n groep (amper se ek weer jong mense) Oom Paul weer ingehuldig as President van Transvaal. Daar is vir Oom Paul standbeeld 'n ampserp aangetrek wat sommer vinnig deur die mislukepaliteit verwyder is! Dieselfde groep het in daardie week ook die vrouens en kinders onthou wat in die konsentrasiekampe dood is, vir hulle is daar witkruise geplant op die konsentrasiekamp gronde. Dieselfde gronde waar die stadsraad beplan (het) om laekoste behuising te bou.

Hofsake was daar ook 'n paar van, die Sheldean Human saak was goed bygewoon deur die Volk. In ondersteuning aan die ouers, maar ook omdat ons weet dit kan met enige een van ons gebeur in die land wat volgens Mbeki geen misdaad probleem het nie. Dan was daar die Vlok saak, wat eintlik maar net 'n mors van tyd was en die sogenaamde "Boeremag" saak het sy vierde verjaarsdag gehad die jaar. Die BCVO het besluit om die Minister van Onderwys hof toe te neem, die uitslag hiervan sal seker eers volgende jaar bekend wees. Radio Pretoria, goeie getroue Radio Pretoria, het hierdie jaar 'n oorwinning in die hof gehad, dit is seker die enigste 14jarige wat ek ken wat so moet baklei vir oorlewing!

Pretoria se verjaarsdag is ook gevier deur 'n groep Afrikaanse sangers wat 'n gratis konsert gehou het op Kerkplein. Daar was BAIE mense en dit laat my wonder hoekom die Volk omgekoop moet word met musiek om te wys hulle gee om vir dit wat hulle moet beskerm.....

.....maar dan lees ek van 'n spontane aksie teen Deon Maas en Rapport en hoe suksesvol dit was en dan gee dit my hoop dat die Volk wel sal opstaan vir dit wat vir hulle belangrik is!

O ja, amper vergeet ek van die Rugby - die Springbokke het gewen, die afrigter word vir sy moeite weg gejaag en die spelers vervang met swart spelers.....

Dan het daar 'n belangrike organisasies die jaar die lig gesien, die Afrikanerfront wat hopenlik al die organisasies gaan kry om met mekaar te praat!